මවකගෙ උනුසුම නොලබා සැපට නිදන පුතේ
ඔබටත් මට මෙන් තනිකම දැනෙවාද පුතේ
ඔබෙන් සිගිති පුතේ මගෙ පාලුව මැකේ
හිතේ තියන පාලු ගතිය මගහරින්න පුතේ
සුර කුමරුන් සමගින් ඔබ හිනැහෙනවද පුතේ
අප දෙන්නා අදුරු ලොවක තනිකරදා පුතේ
නුබෙ අම්ම දිව‍‍ය ලෝකේ ගියා චූටි පුතේ
මා හට දී ඔයා ඈ සුර ලොව ගියා
සුර විමනට වැදී මගෙ රන්කද නිදී
තවමත් කිරි සුවද දැනේ ඔබේ සිගිති ගතේ
ඔබ නැතිනම් මමද නැතැයි මැරී ඇතැයි සිතෙ
පුතුගෙ උපත මවගෙ විපත එක දිනයෙම උනේ
කොහොමද මම සිහි කරන්නෙ පුතුගෙ උපන්දිනෙ
මාහට දී ඔයා ඈ සුර ලොව ගියා
ලොකු උනාම අම්මා ගැන අහන්නෙපා පුතේ
එතකොට මගෙ දෙනෙත් වලට කදුලු පිරෙයි පුතේ
සුරවිමනට වැදී මගෙ රන්කද නිදී
Subscribe to:
Post Comments (Atom)
0 comments:
Post a Comment